အနိမိတ္တစေတောသမာဓိ အခြေခံအာနာပါနကမ္မဋ္ဌာန်းကျင့်စဉ်နည်းစနစ်ကို ရယူရန် မြေပြင်လေ့ကျင့်သင်ကြားခြင်းအတွက် Sasana Nursery Foundation ပြည်တွင်းပြည်ပသာသနာပြုအဖွဲ့ထံ စာရင်းပေးသွင်းခြင်း
တိုက်ခွဲအမှတ် (၃၂) သဲအင်းဂူဝိပဿနာဓမ္မရိပ်သာများနှင့် သာသနာ့ပျိုးဥယျာဉ်ကျောင်းတိုက်ကြီး၏ ဦးစီးပဓာနနာယက အဂ္ဂမဟာကမ္မဋ္ဌာနာစရိယ ဘဒ္ဒန္တစန္ဒိမာ ကျေးဇူးတော်ရှင်အောင်လံဆရာတော်ပြသမည့် ဝိပဿနာယာနိကကျင့်စဉ်အရ
အနိမိတ္တသမာဓိကျင့်စဉ် ပထမအဆင့်-(၁) ဖြစ်သော ဒုက္ခိန္ဒြေမှ ဒေါသနှင့်ဒေါမနဿကို တဒင်္ဂပယ်ခွာသည့် အာနာပါနကမ္မဋ္ဌာန်းကျင့်စဉ်ကို (၅)မိနစ် မှ စတင်၍ SNF ပြည်တွင်းပြည်ပသာသနာပြုအဖွဲ့မှ လေ့ကျင့်ပေးပါမည်။
ယခုစတင်မည့် (၅) မိနစ်၌ ဝိပဿနာယာနိကကျင့်စဉ်၏ အခြေခံအုတ်မြစ်ဖြစ်သော ဣရိယာပုထ်မှန်အောင်ပြင်ဆင်မှုမှ စတင်သင်ကြားပေးမည် ဖြစ်ပါသည်။ ကာမဇောကင်းသော အထိုင်ပုံစံဖြင့် (စိတ်ဖြင့် ခန္ဓာအိမ်ကိုညစ်ချုပ်မှူမရှိစေပဲ) ပကတိ ဝင်သက်လေ၊ ထွက်သက်လေကို သတိထားတတ်အောင် ဆက်လျက်၍ (၁၀) မိနစ် (၁၅)မိနစ် တဆင့်ခြင်းဆီသင်ကြားပေးမည့် လေ့ကျင့်ရေးတရားစခန်းအတွက် ယောဂီသစ် စာရင်းလက်ခံခြင်းဖြစ်ပါသည်။
ဓါတ်လေးပါးဖောက်ပြန် နှိပ်စက်သည့်အခါ စိတ်ကိုကမ္မဋ္ဌာန်း၌သိမ်းဆည်းနိုင်ရန် ရှုရှိုက်မှုနည်းစနစ်များလေ့ကျင့်သင်ကြားပေးမည့် သတိထားခြင်းနည်းပညာဟုလည်းဆိုနိုင်ပါသည်။ အာနာပါနကမ္မဋ္ဌာန်း (၁)နာရီ၌ ဆရာတော်ကြီးသတ်မှတ်ထားသော စံကိန်းလေးချက်ဖြင့်ကိုက်ညီမှုရှိပါက အဖွဲ့မှယောဂီမှတ်ပုံတင်စာအုပ်ထုတ်ပေးပါမည်။ ထိုစာအုပ်ဖြင့် ရိပ်သာကြီး၌ Level-1B စစ်ဆေးမည့် (၅)ရက်စခန်းဝင်ခွင့်ရပါမည်။
အနိမိတ္တသမာဓိကျင့်စဉ် ပထမအဆင့်-(၁) အာနာပါနကမ္မဋ္ဌာန်း (၂)နာရီ အောင်မြင်ပါက ရိပ်သာကြီး၌ ဒုက္ခိန္ဒြေမှ ဒေါသနှင့်ဒေါမနဿကို ဝိက္ခမ္ဘနပယ်ခွာသည့် ဝေဒနာမှတဏှာခွာ လျောင်းကျင့်စဉ် အနိမိတ္တသမာဓိကျင့်စဉ် ပထမအဆင့်-(၂) ၊ ဝေဒနာမှတဏှာခွာ ထိုင်ခြင်းဣရိယာပုထ်ကျင့်စဉ် အနိမိတ္တသမာဓိကျင့်စဉ် ပထမအဆင့်-(၃) နှင့် ဝေဒနာမှတဏှာသတ် မဟာပလ္လင်ကျင့်စဉ် အနိမိတ္တသမာဓိကျင့်စဉ် ပထမအဆင့်-(၄) တို့ကိုဆက်လျက် ကျင့်ခွင့်ရရှိပါမည်။
(ကိုယ်ဒုက္ခနှင့်တွေ့လျှင်စိတ်၌ ဆင်းရဲမှုချုပ်ပြီး အရိုးစု၊ (၃၂)ကောဋ္ဌာသ၊ အသုဘကမ္မဋ္ဌာန်းနိမိတ်များရှုပွားနိုင်မည့်ကျင့်စဉ်၊ သေခြင်းဆင်းရဲနှင့်သေပြီးသည့်နောက် ဆင်းရဲသည့်ဘဝ မရောက်ခြင်းဟူသော အသေတတ်အနေမြတ်သည့်အကျိုးတရားများရရှိမည်ဟု ကျေးဇူးတော်ရှင်အောင်လံဆရာတော်ဘုရားကြီး အာမခံသောကျင့်စဉ်များအားထုတ်ခွင့်ရပါမည်)
👉 ဒါဖတ်ပြီးမှ စာရင်းပေးပါ။ *
(၁) မိမိကိုယ်တိုင် သဒ္ဓါဆန္ဒ ပြင်းပြစွာဖြင့် တရားအားထုတ်လိုစိတ်ရှိမှ စာရင်းပေးပါ။
(၂) သတ်မှတ်ထားသော အချိန်၊ အကြိမ်ရေနှင့် အဓိဋ္ဌာန်ရက် ပြည့်အောင် ဝင်နိုင်ရမည်။
(၃) ဆရာသမား ညွှန်ကြားချက်ကို အပြည့်အဝ လေးစားလိုက်နာရမည်။
(၄) (၅)မိနစ် (၁ဝ)မိနစ် (၁၅)မိနစ် (၃ဝ)မိနစ် အဆင့်ဆင့် အာနာပါန အခြေခံ လေ့ကျင့်ပေးမည် ဖြစ်ပါသောကြောင့် ကျေးဇူးတော်ရှင်အောင်လံဆရာတော်ဘုရားကြီး၏ ကျင့်စဥ်နည်းဖြင့် တိုက်ခွဲအမှတ်(၃၂) သဲအင်းဂူ ဓမ္မရိပ်သာများ၊ ဩဝါဒခံရိပ်သာများ၊ အဖွဲ့ခွဲ လေ့ကျင့်ရေးများနှင့် Online လေ့ကျင့်ရေးစခန်းများတွင် မလေ့ကျင့်ရသေးသော ယောဂီသစ်များကိုသာ လက်ခံပါမည်။ (ကျင့်ဖူးသောယောဂီများအား သိရှိပါက ဆက်လက်၍ စခန်းဝင်ခွင့်ပြုမည်မဟုတ်ပါ။)
(၅) တရားကျင့်နိုင်မည့် ကျန်းမာရေးနှင့် ပြည့်စုံရမည်။ တင်ပလ္လင်ခွေထိုင်နိုင်ရမည်။
(၆) လစဥ် Online နှင့် On Site လေ့ကျင့်ရေးစခန်းများ ဆက်လျက်ဝင်ရောက် လေ့ကျင့်နိုင်ရမည်။ အာနာပါနကျင့်စဥ် Level-1B (တစ်နာရီ) အောင်မြင်ပါက ရိပ်သာကြီး၌ (၅)ရက်စခန်းဝင်ရမည်။
(၇) SNF ပြည်တွင်းပြည်ပသာသနာပြုအဖွဲ့ဖြင့် အာနာပါနကျင့်စဥ် Level-2 (နှစ်နာရီ) အောင်မြင်သည်အထိ ဆက်လျှက်လေ့ကျင့်ရမည်ဖြစ်ပြီး အောင်မြင်ပါက ရိပ်သာကြီးတွင် ကိုယ်သာနာ၍ စိတ်မှာဆင်းရဲခြင်းကင်းသည့် ကျင့်စဥ်အဆင့်ဆင့်အထိ ဆက်လျှက်ကျင့်ခွင့်ရရှိပါမည်။
